हरिः ओम्

Select Sloka Script in Devanagari / Telugu/ Kannada/ Gujarati /English

suṁdarakāṁḍa.
atha saptamassargaḥ

sa vēśmajālaṁ balavān dadarśa vyāsakta vaiḍhūryasuvarṇajālam|
yathāmahatprāvr̥ṣi mēghajālam vidutpinaddhaṁ savihaṁgajālam||1||

nivēśanānāṁ vividhāścaśālāḥ pradhānaśaṁkhāyudhacāpaśālāḥ|
manōharāścāpipunarviśālāḥ dadarśa vēśmādriṣu caṁdraśālāḥ||2||

gr̥hāṇi nānāvasurājitāni dēvāsuraraiścāpi supūjitāni|
sarvaiśca dōṣaiḥ parivarjitāni kapirdadarśa svabalārjitāni||3||

tāni prayatnābhisamāhitāni mayēva sākṣādiva nirmitāni|
mahītalē sarva guṇōttarāṇī dadarśa laṁkādhipatērgr̥hāṇi||4||

tatō dadarśōcchritamēgharūpam manōharaṁ kāṁcanacārurūpam|
rakṣōsdhipa syātmabalānurūpam gr̥hōttamaṁ hyapratirūparūpam||5||

mahītalē svargamiva prakīrṇam śriyājvalaṁtaṁ bahuratna kīrṇam|
nānātarūṇāṁ kusumāvakīrṇam girērivāgraṁ rajasāvakīrṇam||6||

nārīpravēkairiva dīpyamānam taṭidbhi raṁbhōdava darcyamānam|
haṁsapravēkairiva vāhyamānam śriyāyutaṁ kē sukr̥taṁ vimānam||7||

yathā nagāgraṁ bahudhātucitram yathā nabhaśca grahacaṁdracitram|
dadarśayuktīkr̥ta mēghacitram vimānaratnaṁ bahuratna citram||8||

mahīkr̥tā parvatarājipūrṇā śailāḥ kr̥tā vr̥kṣavitānapūrṇā|
vr̥kṣāḥ kr̥tā puṣpavitānapūrṇāḥ puṣpaṁ kr̥taṁ kēsara patra pūrṇam||9||

kr̥tāni vēśmānica pāṁḍurāṇi tathāsupuṣpāṇapi puṣkarāṇi|
punaśca padmāni sa kēsarāṇi dhanyāni citrāṇi tathā vanāni||10||

puṣpāhvayaṁ nāma virājamānaṁ ratnaprabhābhiśca vivartha mānam|
vēśmōttamānā mapi cōccamānam mahākapistatra mahāvimānam||11||

kr̥tāśca vaiḍhūryamayā vihaṁgāḥ rūpyapravāḷaiśca tathā vihaṁgāḥ|
citrāśca nānāvasubhi rbhujaṁgāḥ jatyānurūpāsturagā śśubhāṁgāḥ||12||

pravāḷajāṁbūnadapuṣpapakṣā ssalīla māvarjitajihmapakṣāḥ|
kāmasya sākṣādiva bhāṁti pakṣāḥ kr̥tāvihaṁgā ssumukhāssupakṣāḥ||13||

niyujyamānāstu gajāssuhastāḥ sa kēsarāścōtpalapattrahastāḥ|
babhūva dēvī ca kr̥tā suhastā lakṣmīstathā padmini padmahastā||14||

itīva tadgr̥hamabhigamya śōbhanam saviśmayō nagamiva cāru śōbhanam|
punaśca tatparamasugaṁdhi suṁdaram himātyayē nagamiva cārukaṁdaram||15||

tatass tāṁ kapi rabhipatya pūjitāṁ caran purīṁ daśamukhabāhupālitām |
adr̥śyatāṁ janakasutāṁ supūjitām suduḥkhitaḥ patiguṇavēgavarjitām||16||

tatastadā bahuvidhabhāvitātmanaḥ kr̥tātmanō janakasutāṁ suvartmanaḥ|
apaśyatōsbhava datiduḥkhitaṁ mana śśucakṣuṣaḥ pravicaratō mahātmanaḥ||17||

ityārṣē śrīmadrāmāyaṇē ādikāvyē vālmīkīyē
caturviṁśat sahasrikāyāṁ saṁhitāyām
śrīmatsuṁdarakāṁḍē saptamassargaḥ||

|| Om tat sat ||